Илназ Сафиуллин: «Әтисе аркасында чыга” дигән сүзләрдән курыктым…”

Мәгълүм булганча, Илназ Сафиуллин — танылган җырчы, күпсанлы премияләр лауреаты, татар эстрадасының иң романтик җырчысы гына түгел, ә композитор Зиннур Сафиуллинның улы да. Илназга танылырга, татар сәхнәсендә үз урынын табарга әтисе ярдәм иткәнме, әллә барысы да аның үз тырышлыгымы?

– Минем сәхнә тормышын сайлавымда әтинең роле артык зур димәс идем. Беренче җырларым 16 яшемдә үк иҗат ителде. Барыгызга да таныш «Мин яратам сине» җыры — шул беренче дигән җырым инде ул. Әтидән артык мактау сүзләре өмет итеп булмый, әмма бу җырымны ул берөзлексез берничә сәгать тыңлады. Үзем белән бик горурланган идем шул вакытта. «Әтисе аркасында чыга” дигән сүзләрдән курыктым, композитор Зиннур Сафиуллин улы икәнемне белгертмәдем. Шуңа беренче елларны фамилияне дә әйтмәдем, бары Илназ буларак кына чыгыш ясый идем.

Мин холкым буенча да бик тыйнак кеше. Әти-әнием тарафыннан да дөрес тәрбия бирелде, аларга бик рәхмәтлемен. Шуңа танылу килгәч борын чөереп йөрүчеләрне, йолдыз чире белән авыручыларны аңламыйм. Тормышта, иҗатта төрле чаклар була: кайчан илһам килми интектерә, кайвакыт юк кына дип санаган җырыңны да халык үлеп китеп тыңлый. Шуңа уңыш, популярлык сүзләренә бик сак карарга кирәк.

Фотолар: социаль челтәрдән (vk.com)

Радик Юльякшин яшьләрдә ана теленә мәхәббәт уятырга тели!

Радик Юльякшинның иҗатын теле ачылмаган баладан алып, өлкән яшьтәге әби-бабайларга кадәр үз итә. Шыгрым тулы залларда елга 300дән артык концерт куя ул. Кечкенә балалар сәхнәгә менеп җырчы репертуарыннан яраткан җырларын башкара. Күп кенә әңгәмәләр вакытында Радик үзенең иҗаты аша татар, башкорт телләре үсешенә уңай йогынты ясарга, яшьләрдә ана теленә мәхәббәт уятырга теләвен әйтә.

Белешмә:

Туган җире: Башкортстан, Уфа шәһәре;

Туган елы: 17 май, 1989 ел.

♥ Радик Юльякшинга әнисе “Ратмир” исеме куштырмакчы була. Ләкин әтисе бала табу йортында “Радик” дип яздырып, туу турында таныклык алып кайта.

♥ Радик бер яшенә кадәр бик елак бала булып үсә. Ике айлык чагында: “Бу бала ник шулай елый икән?” – дип хастаханәгә дә салып карыйлар хәтта. Табиблар: “Елагач, үпкәсе таза була, улыгыз җырчы булыр әле”, – диләр.

♥ Җырчы үз тырышлыгы, үз теләге белән курайда, баянда уйнарга өйрәнә.

♥ Радикка 11 яшь булганда әтисе Мөхәрләм үлеп китә. Гаиләдә бердәнбер ир-ат булып калып калган җырчы, әнисе белән апасына булышу максатыннан, вагоннар бушатып, шешәләр тапшырып, акча эшли башлый. Ләкин бу хакта әнисе соңрак, еллар узгач кына белә. Үзе эшләп тапкан акчага Радик сәхнә киемнәре тегә башлый.

♥ Әтисе балта остасы булганга күрә, улын да бу эшкә өйрәтеп калдыра. Радик үзенә компьютер өстәле, шкафларга кадәр ясап куя. Өйнең бер почмагында студия дә булдыра. Мәктәпне тәмамлаганда директоры хәтта егеткә хезмәт укытучысы булып калырга тәкъдим ясый. Ләкин әнисе улын җырчы итеп күрергә тели, һәм ялгышмый.

♥ 10 сыйныфта укыганда Радикның беренче альбомы чыга. Озак та үтми, кулына аттестат алу белән, икенчесе дөнья күрә.

♥ Радикка 2017 елның сентябрь аенда “Башкортстанның атказанган артисты” дигән мактаулы исем бирелде.

Нәзилә Җәләлиева әзерләде

Җырчы Алсу улы белән таныштырырга ашыкмый!

Танылган татар җырчысы, күпчелек җырларын рус һәм инглиз телендә башкаручы Алсу тормыш иптәше, эшкуар Ян Абрамов белән өч бала – 11 яшьлек Сафина, 10 яшьлек Микелла һәм әле 2 яше тулмаган уллары Рафаэльне үстерә.

Үз балаларыма карата мәхәббәтне аңлатып бирерлек сүзләр таба алмыйм. Алар тормышымны яшәү мәгънәсе һәм бәхет белән тулыландырды”, – дип язган иде Алсу Микелланың 10 яшьлек туган көне уңаеннан кызлары белән төшкән фото астына.

Кызлары белән танышырга өлгердек инде. Социаль челтәрдә Рафаэльне генә күрәсе калды. Тик әнисе аның белән таныштырырга ашыкмый әле.



Искиткеч кызның бәхетле әнисе – җырчы Дилә Нигъмәтуллина социаль челтәрдә үзе белән шулай таныштыра. Кызы Сәфинә исемле аның. Бу язда биш яшен тутырган Сәфинә дә әнисе кебек җырчы булмагае. Әнә, Бөек Җиңү көне уңаеннан “Катюша” җырын сыздырды ул. “Сәфинә “Катюша”ны инде өч яшеннән җырлап йөри. Бик ярата ул җырны. Сугыш турында, бабаларыбыз турында сораша”, – ди әнисе.

Сәфинә белән бәйле тагын бер серне чишик әле: “Без үзебез эшләгән уенчыклар бик яратабыз. Кызым да алар белән ул чиратлашып йоклый”, – ди Дилә кызы турында.

Быел туган көнгә Сәфинәне сөендергән шундый күп бүләкләр булды! Дөресрәге, Сәфинә һәр нәрсәне аңлый тораган яшькә җитте. Туган көнен дә 1 марттан бирле һәр көнен санап , көтеп алды. Дусларын да кемне күрергә теләде -үзе чакырды. Мин гомүмән 5 яшькә кадәр балага кыйбатлы бүләкләр алып һәм кыйбатка туган көннәр эшләүдә мәгънә күрмим. Алар аны аңламыйлар да, ул аларга кирәкми дә. Урысча әйттмешли : “деньги на ветер». Акчанны кая куярга белмәгән очракта иң яхшы вариант әлбәттә😉. Минем өчен бала өчен иң яхшы инвестиция — ул төрле юнәлештәге белем бирү! Кыйбалты уенчыкларның да кирәге юк , миңа калса. Нигә дер балалар аның белән уйнамыйча бер хәчтерүш 3 тиенлек уенчыкка өстенлек бирә. Я гомүмән өйдәге савыт-сабба,яисә вак -төяк чүп белән уйный. Минем үземнең кирәкмәгән уенчык алган юк югыйсә😜. Сәфинәгә бер коробка карандаш белән кәгазь булса -дөнья түгәрәк, бернәрсә кирәкми. Тагын без үзебез эшләнгән уенчыклар бик яратабыз. Алар белән ул чиратлашып йоклый. Менә шундый фикердә мин, дуслар! Ә сездә ничек? P.S. Екатеринбургтан җибәргән бүләккә бик сөендек без. Кулдан эшләнгән бит! Рәхмәт бик зур!!! 😍 @guzelshigapova96 #нашидети #деткиконфетки #балаларыбызбэхетлебулсын #исәнсаугынабулсыннар🙏 #җимешләребез #сафинамухина

Публикация от Диля Нигматуллина (@dilyanig)


Әти-әнисе гастрольдән “кайтып кермәгәч”, җырлы гаиләдә бала-чага мөстәкыйльлеккә тизрәк өйрәнә бугай ул. Башкортстанның популяр җырчылары Ләйлә һәм Рөстәм Галиевларның кызлары – Риана белән Арина да бар эшкә өлгерә.

Кызлар авылда калган иде. Ә без эшләрне бетердек тә, әтисе белән алар янына ашкынабыз. Карагыз әле, без кайтуга ничек әзерләнәләр”, – дип язып элгән Ләйлә инстаграмда кызларының мәш килеп камыр әвәләгән фото астына.

Әти-әнисе дә кызларын буш итми икән – концертта бирелгән чәчәк бәйләмнәре өйгә кайта. “Чәчәкләргә бездән дә ныграк кызларыбыз шатлана”, – ди Галиевлар.


Һәр бала әти-әнисен төрлечә шаккатырырга сәләтле. Шагыйрә, телевидение алып баучысы Ләйлә Дәүләтованың кызы Гөльмәрьям әнисенең “портретын” ясаган.

Ниһаять, минем дә үз портретым бар! Минем өчен иң кадерле бүләк шушысы иде! Балалар күзлегеннән шулкадәр матур күренүемә нык шатландым. Шәп бит, әйеме?” – дип язган Ләйлә әлеге фото астына.

Игътибарыгызга әлеге “портрет”ны түгел, ә Гөльмәрьямнең үзен тәкъдим итәбез. Чын рәссам менә шундый булырга тиеш ул!


Җырчы гаилә – Гүзәл Идрисова һәм Илназ Баһ гаиләсендә өч малай – Камил, Рамил һәм Марсель үсә. Май аенда бертуган Баһларның өлкәне Камил 7 яшен тутырса, төпчеге – Марсельгә 2 яшь булды. Ике туган көн дә малайлар өчен махсус әзерләнгән тәмле торт белән төгәлләнгән.

Сабада концерт көнне Марсельгә 2 яшь тулды. Концерттан соң рәхәтләнеп әниләр, бәбиләр һәм әтиләр чәй эчтек”, – дип язган Гүзәл туган көн уңаеннан төшкән фотога.

 


Танылган юмор остасы, җырчы, пародист Данир Сабировка без дә булышыйк әле, дуслар. Инстаграмдагы аккаунтына ул кызы Мәрьямнең былтыр төшкән фотосын урнаштырып: “Срочно кызык исем кирәк”, – дип язып куйган. Соң булса да, уң булсын – без дә исем уйлап карыйк.


Данир Сабиров кызларына исемнәрне ничек сайлаган? 

Кызларым берсе Мәрьям, кечесе — Дания исемле. Хатын белән алдан ук сөйләшеп куйдык: кыз бала туа икән, исемне мин сайлыйм, малай туса — хатынга ошаган исемне кушабыз.

Фото җырчының Инстаграм битеннән алынды

Югыйсә, беренче кызга Миләүшә шулкадәр заманча исем кушмакчы иде: “Милана” ошый иде аңа. Шуны ишетү белән, кит, исеммени бу, алай булгач, малай тугач аңа “Интер” дип кушарбыз (Интер, Милана — футбол командасы), дидем. Шуннан соң минем белән килеште, мин сайлаган исемне куштырдык. Мәрьям — Гайсә пәйгамбәрнең әнисенең исеме. Матур исем. Ә инде киләчәктә малай тугач, ул “Интер” дигәнне сайласа да, каршы килеп булмас.

ГҮЗӘЛ УРАЗОВАның авырлы чакта ни ашыйсы килгән? 

— Эллари белән авырлы булганда, гыйнвар аеның кышкы салкыннары иде. Берзаман, кич җиткәч, бөтен җирдән карбыз исе килә башлады. Шул карбызны ашыйсы гына килә бит! Теләгем турында Илдарга әйттем. Ул: «Кит инде, бу вакытта нинди карбыз!» — диде.

Шуны уйлап йокларга яттым, ә иртән торуга Илдар каяндыр эзләп табып алып кайткан! Шундый зур иде ул, ямь-яшел, карбыз димәссең инде аны. Ачтым да, исен иснәдем дә, ашамадым, ләкин шуның белән канәгать булган идем.

Гомумән, Эллари белән авырлы чакта булган мәзәк хәлләр ныграк хәтердә калган. Беренче бала булгангамы икән, аннары, гастрольдә дә йөрмәдек, буш вакыт күп булды. Шундый бер кызык күренешне хәтерлим: кайда гына булсак та, өйгә кайтышлый үземә кроссворд алып кайта идем. Калмагандыр чишмәгән башваткыч, «Тещин язык» сканвордлары… Кайбер кеше туктый алмый көнбагыш ашаган кебек, мин дә 9 ай буена шул башваткычлы гәзит-журналларны алып кайтып чишә идем.

Камилла белән йөргәндә мин күбрәк гастрольдә булдым. Шуны хәтерлим: гел ит яки камыр ризыгы ашыйсы килә иде. Шуңа да малай булыр дип көттем, ничә тапкыр узига бардым, ышанмыйча кайта идем. Туганчыга кадәр малай булыр дип уйладым.

Ә Самир белән авырлы булганда бик күп җиләк ашаганым хәтердә. Самир да хәзер җиләкне нык ярата, алдыннан алмасаң берәр чиләк ашарга мөмкин.

БАЛАЛАР КЕМНЕ ЯРАТА: Элвин Грей /ВИДЕО/

Балалар кемне ярата? Әти белән әнисен! Әби белән бабасын, дәү әнисе белән дәү әтисен ярата! Усал булмасалар, абый-апасын, елак булмасалар, энесен-сеңлесен ярата! Кунакка кайтсалар, алма апасын һәм җизнәсен ярата. Күчтәнәч алып килсәләр, дәү абыйсын һәм чәчәк апасын ярата! Татар баласы һәр туганын ихлас ярата! Туганы кебек якын күреп, җырчы абый-апаларын ярата!

Менә күрегез, Элвин Грейны Татарстанның һәм Башкортстанның күпме баласы ярата! Яраткан җырчың белән бергә кушылып җырлау бер бәхет булса, аңа сәлам юллап, видео төшереп җибәрер өчен нинди көчле булырга тиеш ярату! Мәктәп балалары сыйныф белән Элвин Грейга багышлап җыр башкара: