2нче гимназиядә Театраль фестиваль!

Габдулла Тукай туган көннәрдә башкалабызның Ш.Мәрҗани исемендәге 2нче гимназиядә театраль фестивальнең бишенчесе узды. Биредә 2нче–8нче һәм 10нчы сыйныф укучылары катнашты.

– Әлеге фестиваль гимназиядә 2013 елдан бирле уздырыла. Аның максаты – туган телне үстерү, әдәбиятка карата мәхәббәт уяту, сәхнә серләре белән таныштыру. Биредә шулай ук укытучының профессиональлеге дә чагылыш таба. Алар укучыларга яраклы сәхнә әсәрен табарга, балаларга сәхнәдә үз-үзләрен ничек тотарга, тормыштагыча аралашып, тамашачыны җәлеп итәргә өйрәтергә тиеш, – ди жюри рәисе, режиссер, сценарист, ТРның атказанган артисты, ТРның атказанган сәнгать эшлеклесе  Нурания Җамали.

Быелгы фестиваль авторларның төрлелеге белән аерылып торды, шулай да Хәбир Ибраһим әсәрләренә өстенлек бирелгән иде. Фестивальдә – башлангыч сыйныфлар арасында Татар халык әкияте “Дүрт дус”, Нәкый Исәнбәтнең “Җырлап узган җәй”, Суфия Нигъмәтҗанованың “Сәяхәтче куян маҗаралары”, Ганс Христиан Андерсен “Дюймовочка”, Хәбир Ибраһимның “Төпчек малай маҗаралары”, “Квартет”, “Килмешәк”, Габдулла Тукайның “Кәҗә белән сарык” һәм башка әкиятләр сәхнәләштерелгән иде.

Бүләкләү вакыты җиткәч, җиңүчеләрнең шатланганлыкларын күрсәгез сез?! Хәер, бөтен сыйныфлар арасында Гран-При яисә беренчелекне ал әле син!

Менә алар — җиңүчеләр:

2нче “Б” сыйныф укучылары – Гран-При иясе;

3нче “В” сыйныф укучылары – 1нче урын;

3нче “Г” һәм 2нче “В” сыйныф укучылары – 2нче урын;

2нче “Д” һәм 4нче “А” сыйныф укучылары – 3нче урын.

Футболны кайчан уйный башлаганнар? — Ник? Нигә? Ник алай?

Футбол –  туп  белән уйный торган иң борынгы спорт уеннарының берсе.  Дөньяның төрле илләрендә футбол бик күп тамашачыларны җыя. Аны һәр илдә һәр милләт төрлечә, үзеннән нәрсәдер өстәп уйный.

Беренчеләрдән булып футболны  инглизләр  уйный башлый. Бу уен турында Кытай чыганакларында да искә алына.

Безнең эрага кадәр XI гасырда “цуцзю” (“Аяк белән этү”) дигән уен сугышчыларны әзерләү буенча мәҗбүри программага кертелә. 2004 елда: “Кытайча футбол уйнау – уенның иң борынгы варианты булып тора”, – дип игълан ителә.

2500 еллар элек аны борынгы Грециядә һәм Италиядә уйнаганнар. Грециядә бу уен ”туп өчен көрәш” дип аталган.

Без белә торган футбол Англиядә барлыкка килгән.

1896 елда Афинада футболның  күрсәтмә уеннары  узган. 1900 елда футбол Олимпия уеннарына кертелгән.

1930 елдан футбол буенча Дөнья чемпионаты үткәрелә  башлый.

Россиядә беренче рәсми матч 1897 елның 24 октябрендә үткәрелә.

Бегемот, самовар һәм мобиль телефон турында — Ник? Нигә? Ник алай?

Бегемот гиппопотамнан нәрсә белән аерыла, беләсезме?

Ә мобиль телефонны кем уйлап тапкан?

Самовар тарихына Кытайның ни катнашы бар?

Болар хакында #Сабантуй журналының «Ник? Нигә? Ник алай?» сәхифәсеннән укып бел!