Казанда иң зур кар бабай ясыйлар!

Горький-Әмәт урман-паркында 2 гыйнвар көнне кар бабай ясау буенча ярыш булачак.

Паркта кышны, карны һәм кул сәнгатен яратучылар җыелачак һәм бәйрәм оештырачак. Бәйрәм азагында иң креатив кар сыны да сайланылачак. Шулай ук бу көнне паркта Казандагы иң зур кар бабай да ясалачак.

Вакытны саф һавада кызыклы итеп үткәрәсең килсә, 2 гыйнвар сәгать 13.00 дә Горький-Әмәт урман-паркына кил.