Балаларыбызның әти-әниләргә әйтер сүзләре

Фото: pixabay.com

Әлеге текст үзенә ирек яуларга һәм хокукларын якларга теләгән баланың үзенчәлекле монологы гына түгел, ә өлкәннәрне үзара аңлашуга, әңгәмәгә чакыру да.

👶❤ Мине артык иркәләмәгез, моның белән сез мине бозасыз. Мин нәрсә сорыйм, шуны алырга кирәк түгел икәнлеген бик яхшы беләм, бары сезне сынап кына карыйм.
👶❤ Миңа карата кырыс булырга курыкмагыз. Миңа шундый мөгамәлә ошый. Бу миңа үз урынымны билгеләргә ярдәм итә.
👶❤ Юләр һәм мәгънәсез сорауларыма җавап бирмәгез. әгәр болай эшлисез икән, бераздан гел үземә генә игътибар иттереп торырга теләвемне аңларсыз.
👶❤ Минем юк-барга җебергә торуларыма артык игътибар итмәгез. Мин бик еш кына авыруга сабышып үземә күңеллелек, рәхәтлек ала башларга мөмкинмен.
👶❤ Минем тискәре гадәтләремә артык игътибар итмәгез. Бу миңа аларны тагын да дәвам итү өчен сәбәп булырга мөмкин.
👶❤ Миңа үземне үз яшемә караганда кечерәк итеп тоярга юл куймагыз. Мин елап сезне һәр очракта «җиңә» башларга мөмкинмен.
👶❤ Мин үзем башкара алган эшләрне минем өчен эшләмәгез, чөнки алга таба да сезне хезмәтче итеп файдалана башлаячакмын.
👶❤ Минем провокацияләргә бирелмәгез. Юкса мин тагын да зуррак «биңү»ләргә ирешергә тырышачакмын.
👶❤ Мин нәрсәне дә булса ялгыш эшләгән өчен тизрәк сорау ала башламагыз. Кайчак мин ни өчен нәкъ менә шулай эшләгәнемне белмим.
👶❤ Минем намусымны артык зур сынауларга куймагыз. Куркып, ялганчыга әйләнергә мөмкинмен.
👶❤ Минем курку-шикләнүләрем сезне борчуга салмасын. Юкса мин тагын да катырак курка башлаячакмын. Мине бары тик курыкмаска гына өйрәтегез.
👶❤ Үти алмастай вәгъдәләр бирмәгез. Бу минем сезгә булган ышанычымны какшата.
👶❤ Икеле-микеле сөйләшмәгез. Бу миңа үз сүземне сүз итәргә мөмкинлек калдыра.
👶❤ Миңа гел бәйләнеп, бертуктаусыз мыгырданып тормагыз, юкса мин ишетмәмешкә салышып үз-үземне якларга мәҗбүр булачакмын.
👶❤ Миңа бертуктаусыз нотык укымагыз. Минем нәрсәнең начар, нәрсәнең яхшы икәнен белүемне күреп, сез гаҗәпкә калачаксыз.
👶❤ Беркайчан да үзегезне камил һәм гөнаһсыз итеп күрсәтергә тырышмагыз. Болай эшләп сез үзегезне башкалар белән чагыштырып карарга урын калдырачаксыз.
👶❤ Мин: «Мин сезне күралмыйм!», дисәм, курыкмагыз, үпкәләмәгез. Минем бу сүзләремнең мәгънәсе бөтенләй башка. Мин сезнең миңа карата эшләгән начар гамәлләрегез өчен үкенүегезне генә телим.
👶❤ Әгәр сез башта миңа мине яратуыгыз хакында әйтеп, аннары үзегез өчен берәр эш башкаруымны сорасагыз, мин үземне базарда дип хис итәчәкмен. Бу очракта мин сатулаша башлыйм һәм җиңәчәкмен дә.
👶❤ Минем нәрсәне дә булса ялгыш эшләвемне үлемгә тиң гамәл итеп карамагыз. Минем дә хаталанырга, аны төзәтергә һәм шуннан сабак алырга хакым бар. Әгәр сез мине бернигә дә яраксыз дип битәрләп торсагыз, алга таба мин нәрсә дә булса эшләргә куркып торачакмын.
👶❤ Мине үзем ясаган хаталарның нәтиҗәсеннән сакларга тырышмагыз. Сезнең кебек мин дә үз тәҗрибәмнән чыгып өйрәнәм.
👶❤ Минем экспериментлар ясарга яратканымны онытмагыз. Шулай итеп мин дөньяны өйрәнәм, зинһар өчен, моңа каршы килмәгез.
👶❤ Конфликтның иң кызган вакытында минем үз-үземне тотышым турында фикерләрегезне әйтеп калырга ашыкмагыз. Кайбер объектив сәбәпләр аркасында бу вакытта минем колакларым томалана һәм сезне тыңлыйсы килү теләге кими. Билгеле бер адымнар ясагыз, ә минем белән бу турыда соңрак сөйләшерсез.
👶❤ Чит кешеләр барында мине төзәтергә тырышмагыз. Күзгә-күз карап тыныч тавыш белән ясалган кисәтүләргә мин күбрәк игътибар итәм.
👶❤ Сезнең хуплау, мактауларыгыздан башка минем уңышларга ирешә алмасымны аңлагыз.
👶❤ Мин сезнең бер-берегезне яратуыгыз аркасында дөньяга килүемә ныклап ышанырга тиешмен. Сезнең гел талашып, әйткәләшеп торуларыгыз моның киресен раслый.
👶❤ Мин энемне яки сеңлемне артыграк яратуыгызны күрсәм ачуланачакмын һәм игътибар белән ярату күбрәк эләгүчегә күбрәк һөҗүм итәчәкмен, чөнки шулай гаделрәк булыр дип саныйм.
👶❤ Мин хәзердән үк инде капма-каршы җенес белән кызыксынам. Әгәр сез бу турыда сөйләшүдән качсагыз һәм берни дә аңлатмасагыз, бу турыда мин яшьтәшләремнән һәм өлкәнрәк балалардан беләчәкмен. Сезгә шулай тынычрак булырмы?
👶❤ Минем ачыктан-ачык сорауларымнан качмагыз. Әгәр ул сорауларга җавап бирмисез икән, мин аларны сезгә бирүдән туктыйм һәм кирәкле мәгълүматны каяндыр читтән эзли башлаячакмын.
👶❤ Сезгә бик авыр булган вакытны мин тоям. Миннән качмагыз. Барысын да үзегез белән кичерергә мөмкинлек бирегез. Сез миңа ышанасыз икән, мин дә сезгә ышаначакмын.
👶❤ Без бик аз вакыт бергә булабыз дип борчылмагыз. Минем өчен вакытның күпме булуы түгел, ә бергә үткәргән вакытның ничек булуы мөһимрәк.
👶❤ Мине көч кулланып җиңәргә тырышмагыз. Бу миндә көчлене генә санга сугарга кирәк икән дигән ялгыш фикер калдыра.
👶❤ Мин яшьтәшләремә һәм үземнән өлкәнрәкләргә тартыла торган чорда бик игътибарлы булыгыз. Бу вакытта минем өчен аларның фикере сезнекеннән өстенрәк булырга мөмкин. Бу чорда мин сезгә гел тәнкыйть белән караячакмын һәм сүзләрегезне кылган гамәлләрегез белән чагыштырып торачакмын.
👶❤ Миңа карата дустанә мөнәсәбәттә булыгыз. Шул вакытта мин дә сезнең дустыгызга әйләнермен. исегездә тотыгыз: мин тәнкыйтькә карап түгел, ә үрнәккә карап өйрәнәм.

Мәгълүмат gzalilova.narod.ru сайтыннан

Мендәр астындагы сораулар

Сабыегызны йокларга яткырып, «тыныч йокылар» теләгәнче, аңа әлеге исемлектән берничә сорауны биреп карагыз.

Никме? Чөнки көн дәвамында без бала белән күзгә-күз карап сөйләшмибез дә диярлек. Бары тик «алып кил», «куй», «ал», «онытма», «моны эшлә», «кит», «дөреслә» ише фәрманнар гына бирү белән чикләнәбез.

«Мендәр астындагы сораулар» балагыз белән җанлы әңгәмәне башлап җибәрү өчен менә дигән этәргеч булыр.

-Нәрсә турында хыялланырга яратасың?
-Синең яраткан героең кем? (китаптан,фильмнан, әкияттән һ.б)
-Нинди гамәлең өчен үзең белән горурланасың?
-Синең тирә-юнеңдәге иң әйбәт кеше кем ул?
-Син нинди җанвар булыр идең һәм ник?
-Безнең гаилә әгъзәләренең кайсы белән сиңа аеруча күңелле?
-Яраткан фильмың/мультфильмыңда сиңа роль бирсәләр, кемне уйнар идең?
-Яраткан уеның бармы?
-Кем сине елмаерга мәҗбүр итә?
-Кем белән вакытыңны үткәрдең?
-48 сәгатеңне дөньяның теләсә кайсы почмагында үткәрә аласың, дисәләр, син кая барыр идең?

Кырык көн йолалары [әти-әниләргә]

Безнең татар халкында бала тугачтын да үтәлергә тиешле гадәтләр, йолалар яши. Шулар белән танышып китик әле.

1. Бала тугач, аңа тиз арада мәгънәле, матур исем кушылырга тиеш. Шул исем белән дәшкән саен бала аның җисемен дә үзенә кабул итә. Исем — баланы саклый торган бер көч ул, ди борынгылар.

2. Әни белән сабые бала тудыру йортыннан кайткач, өйдә «Бәби чәе» үткәрәләр. Ягъни, барлык туганнар, якыннар бергә җыелып котларга киләләр. «Бәби чәе» ндә Коръән укыла, балага һәм аның әти-әнисенә изге теләкләр әйтелә.

3. Кайбер якларда «Бәби мунчасы»н да «Бәби чәе» белән бергә кушып үткәрәләр. Бу йоланы әбиләр бигрәк тә ярата, аның аерым шифасы бар, ди алар.

4. Кечкенә баланы 40 көнгә чаклы кеше күзенә күрсәтмәскә тырышалар: күз тиюдән саклыйлар.

5. Балаларга гакыйка корбаны чалалар. Малайларга — ике, кызларга бер сарык чалу яхшы, диләр.

Гөлназ Шәрипҗанованың кызы «одуванчик»? [фото]

Асылбикә исемле матур кыз үстерүче Илсур һәм Гөлназ Шәрипҗановалар кызларының кызык фотосурәтләрен Инстаграмга куя.

Гөлназ кызының мантый ашаганын төшерергә теләгән булса кирәк, ә Асылбикәнең чәчләре моңа «каршы тора». «Одуванчик»килеп чыкты» — дип язып куйган Гөлназ фото астына.

https://www.instagram.com/p/BP44Em2AMa-/?taken-by=gulnazshrp%20%20

 

Җырчы Эльнар Сабирҗанов икенче тапкыр әти булды! [фото]

Үзенең кызыклы клиплары, матур тавышы белән күпләрнең йөрәген яулаган Эльнар Сабирҗанов икенче тапкыр әти булды.

Сабирҗановлар бер кыз үстерә иде, менә тагын бер кызчыкка арттылар. Яшь әти-әнигә бәхет, сәламәтлек, телибез.

https://www.instagram.com/p/BPxwKl8h_eQ/?taken-by=elnar_sabirzyanov%20

Зиннурның кечкенә «күкәмәч»е кем? [видео]

Зөлфәт Зиннуров — бәхетле һәм бай әти. Чөнки ул ике кыз үстерә. Кечкенәсе Зифага инде тиздән 6 ай була икән.

Зөлфәт олы кызын «авторитет» дип йөртсә, кечкенәсенә «күкәмәч» дип назлап дәшә икән.  Сабый инде «өскә үрмәли» башлаган.

Үсәбез әкренгә, Аллага шөкер! #күкәмәч

A video posted by Зульфат Зиннуров (@zulfat_zinnurov) on