Безнекеләр сынатмый

Казанның «Адымнар» татар, рус, инглиз телләрен тирәнтен өйрәнү полилингваль мәктәбенең 3нче сыйныф укучылары Ассэль Сәләхова һәм Рәминә Хәмидуллина Мәскәүдән «Гран-при» ияләре булып кайттылар. Алар «Талантлар җире» дип аталган Бөтенроссия балалар һәм яшүсмерләр конкурсының гала-концертында дуэт-җыр белән катнаштылар. Чистай гимназиясенең 6 сыйныф укучысы Катерина Баранова да җырлап лауреат булды.
Әлеге конкурсның региональ этабы июль аенда Казанның Юдино бистәсендәге Тимерьюлчылар мәдәният йортында үткән иде. Дәрәҗәле жюрины Татарстанның халык артисты һәм атказанган сәнгать эшлеклесе, композитор Әнвәр Шәрәфиев җитәкләде, аның составында Татарстанның атказанган сәнгать эшлеклесе, М. Җәлил исемендәге республика премиясе лауреаты, композитор Риф Гатауллин һәм яшь актер Ранэль Богдановлар бар иде. Ранэль Мәскәүдәге чарада да катнашты һәм чыгыш ясады.
Конкурсның быелгысы «Космонавтикага – 60 ел!» девизы белән узса, киләсе елга ул СССРга 100 ел тулуга багышланачак, ди чараны оештыручылар.
Хәким ГЫЙЛӘҖЕВ
Иң мөһим һәм кызыклы язмаларны Татмедиа Telegram-каналында укыгыз
-
Күзгә яшьләр килде... Зур шатлыгым бар! Без, "Мирас" үрнәк балалар бию ансамбле, Санкт-Петербургта узган «Азимут» халыкара бәйгесендә җиңү яуладык!
-
Рәхмәт чәе – тәмле чәй! Рәхмәт чәе нинди була дисезме? Безгә кунакка килегез. Андый чәй сезгә дә, һичшиксез, ошар.
-
Кем нәрсә ярата? Кызлар иҗади һөнәрләрне үз итә, ә малайларга IT һәм спорт якын. Күптән түгел мәктәп укучылары арасында «Профилум» оешмасы уздырган сораштыру шуны күрсәткән.