Хокукларны хәбәр итәчәкләр

Дәүләттән сезгә нинди социаль ярдәм тиешле? Бу турыда беләсезме? Юк икән, Дәүләт хезмәтләре порталына кереп карагыз. Хәзер анда теркәлгән һәр кешегә аңа тиешле ярдәм төрләре буенча мәгълүмат булачак. Быелның 1 декабреннән шундый закон гамәлгә керде. Моңа кадәр мохтаҗ кеше үзе белешеп йөрмәсә, социаль ярдәм турында белми дә калырга мөмкин иде. Хәзер исә барысы да башкача. Дөрес, әлегә мәгълүмат бирү системасы тулы көченә эшли башламаган. Ләкин ел ахырына кадәр барысын да тәртипкә китерергә вәгъдә итәләр. Ә 2021 елдан чат-бот аша сорауларга җавап алып булачак.