Мәктәпкә гольф

Бу уку елыннан Татарстанда “Мәктәпкә гольф!” проекты старт ала, биредә Казанның 16 гомуми белем бирү мәктәпләре укучылары катнашачак.
Дәресләр физик тәрбия бирү дәресләренең өченче сәгате кысаларында яисә дәрестән тыш спорт-сәламәтләндерү эшчәнлеге буларак алып барылачак. Уку-тренировка җиһазларын алуга сертификатны Рөстәм Миңнеханов Казан муниципаль берәмлеге башлыгының беренче урынбасары Рөстәм Нигъмәтуллинга ТР Президенты Кубогына гольф буенча VI Хәйрия турниры ачылышы вакытында тапшырды, дип хәбәр итә ТР Мәгариф һәм фән министрлыгы матбугат хезмәте.