Артисттан артист туа: Ландыш һәм Ләйлә Нигъмәтҗанова! /видео/

Талантлы артист балалары белән таныштыруыбызны дәвам итәбез. Ландыш Нигъмәтҗанова 3 яшьлек кызы Ләйләне алдына утыртып, җыр башкара: 

Популяр җырчы, өч бала әнисе Ландыш Нигъмәтҗанованың кызы Ләйләгә 4 мартта 3 яшь тула. Яттан ук белмәсә дә, кызчык әнисенең җырларына кушылып җырларга ярата икән. Әлеге видеода да әниле-кызлы бергәләшеп “Табасылар иде” җырын башкара.

Кечкенә генә булса да, энесен дә карарга булыша Ләйлә. “Тарткалашып та алалар инде, ә болай энесен гел үбеп, “улым” дип сыйпап кына тора”, – ди җырчы. Ландыш өч баласы белән дә өйдә чакта бары татарча гына сөйләшә икән. Ләкин соңгы арада Ләйлә балалар бакчасыннан рус сүзләрен дә ияртеп кайта башлаган.