Ашатырга акча бар

Башлангыч сыйныф укучыларын мәктәптә бушлай ашату өчен субсидияне Россиянең барлык төбәкләре дә алды. Илнең Мәгариф министрлыгы шулай дип белдерде. Быел әлеге максат өчен федераль бюджеттан 22 миллиард сум бүлеп бирелгән. 2023 елга кадәр исә 108 миллиард сум тотылачак. Төбәкләргә бирелгән субсидия күләме укучыларны ашатырга әзер булган мәктәпләрдәге башлангыч сыйныф укучыларының санына бәйле.