Баланы югары сәнгатьне яратырга ничек итеп өйрәтергә?

Сезнең балагыз музейларга йөрергә яратамы? Ә үзегез моңа ничек карыйсыз? Бер картина каршында сабыегыз ничек озак итеп басып тора ала? Күп кенә балаларга, аларның әти–әниләренә дә музейга бару бәйрәм кебек тоелмыйдыр…

Россиялеләрнең 27 проценты беркайчан да музейда булмаган. 6 проценты бары тик мәктәптә укыганда гына йөргән. Ни өчен дисезме? Чөнки бу аларга кызыксыз тоела. Музейда экспонатларны тотып карарга ярамый, кычкырып сөйләшергә тагын ярамый. «Ярамый»лар, «ярый»га караганда, күбрәк.
Музейларга ничек дөрес итеп йөрергә соң? Сезгә берничә киңәш:
1.​ Музейга бару кәефнең яхшы булуына да бәйле. Монда кафеда бераз утырып алу да ярдәмгә килер. Шунда балага сезнең музейда күңелсезләнеп утырырга түгел, ә уйнарга, фантастик хайваннарны эзләргә, гади булмаган киемнәрне, эшләпәләрне карарга килгәнне әйтегез. 5 яшьлек балага бөтен дөнья – уен. Ләкин сөйләшүегезне әлеге дә баягы «ярамый»лардан башламагыз. Теге яки бу экспонатны караганнан соң, баланың хис–кичерешләре белән кызыксыныгыз.

2.​ Сәнгать белгечләрне музейларны балаларныкына яки олыларныкына бүләргә яратмый. Шуңа да музейга барыр өчен идеаль яшь юк. Теләсә нинди күнекмә кебек, матурлыкны күрә белү сәләтен үстерергә генә кирәк. Грипптан курыкмасагыз, баланы бәләкәй чагыннан ук музейларга йөртә аласыз. Моннан бернинди зыян да булмаячак. Киресенчә, сез баланы күзаллавын гына баетасыз.
3.​ Бала тотып карарга теләячәк. Чөнки аннан башка ул танып белә алмый. Шуңа да сабыйга тотып карарга ярый торган әйберләрне – дивар, бәрхет бауларга кагылырга рөхсәт итегез.
4.​ Музейларда балаларга сыннар ошый. Рәссамнар белән авыргарак туры килә. Картиналарны караганда, алар тәрле булсын. Пейзаж, портрет, натюрмортмы ул, аларда бала рәсеме төшерелсен. Бала 17 гасыр француз рәссамнарын аңлачак. Аларны караганда, сабыйдан геройларның нәрсә эшләүләрен сорарга мөмкин. 19-20 гасыр рәссамнары арасында Анри Маттис картиналары да сабыйда соклану уятачак.
5.​ Бала көтелмәгән сорау бирә. Ләкин сез аңа җавапны белмисез. Ялкау ата-ана нарасыйны экскурсия төркемнәренә алып бара. Ә җаваплы ата–ана бу очракта үзе экскурсоводка әйләнәчәк. Балага 10 яшь тулганчы, сез әле балага экскурсовод була аласыз. 5-8 яшьлек бала музейда теләсә нинди сорау бирә ала. Шуңа да фантазиягезне генә эшкә җигегез. Картинаны балалар күзлегеннән карарга өйрәнегез: моның өчен чүгәләп рәсемне күзәтегез.

6.​ Бер көндә берьюлы 3 музейны урап чыгарга ашыкмагыз. 30 минут эчендә 5–10 картина карап чыгу – инде менә дигән күрсәткеч. Әгәр баланың кызыксынуы кимеми икән, фантастик хайваннарны эзләүне дәвам итәргә мөмкин. Иң яхшысы – музейга айга бер тапкыр йөрү. Ләкин музейга баруны, туган көнне билгеләп үтү, кинога бару кебек вакыйгалар белән бер көнне билгеләмәгез. Чөнки бала арыячак.
7.​ «Ни өчен Давид ялангач?» – бала шулай дип тә сорарга мөмкин. Сез борынгы греклар өчен бу күренешнең нормаль булуын аңлатыгыз. Һәр заманның үз идеясе. Әгәр 5–10 яшендә бала матурлык белән соклана икән, димәк антик сыннар алар өчен һәрвакыт сәнгать шедевры булып калачак. Баланың оят хисе барлыкка килә башлаганчы, ягъни 10 яшькә кадәр, музейларга йөртә башлау яхшырак.
Ольга Морозова, А.С. Пушкин исемендәге Дәүләт сынлы сәнгать музееның бүлек мөдире:
– Баланы музейга якынайту өчен универсаль киңәш бар. Кефир эчәргә өйрәткән кебек, монда да бераз баллы әйбер кушып җибәрергә кирәк. Мисал өчен, интеллектуаль сәяхәтне кафе яки пиццериягә барып, бизәп җибәрергә мөмкин. Ул вакытта уңай рефлекс барлыкка киләчәк. 3 тапкыр барып кайтканнан соң, эзләнү эшчәнлеге белән кызыкмаган бала да музейларга ияләшә ала.

Чыганак: «Российская газета»

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: