Читкә чыгарга ярамый

Быел җәй көне балалар үзләре яшәгән төбәктә генә ял итә алачак. Роспотребнадзор, коронавирус инфекциясенә бәйле рәвештә, шундый таләп куйды. Баланы лагерьга яки санаторийга җибәрергә теләүче әти-әниләр мондый ял йортын үз төбәкләрендә генә эзләргә тиеш. Бары тик Арктикада яшәүчеләргә генә ял итәргә җылы якка барырга рөхсәт бирелә. Мәскәү, Санкт-Петербург, Севастополь шәһәрләрендә яшәүче балалар чиктәш төбәкләрдә ял итә алачак. Лагерьларда төркемнәрне яртылаш кына тутырырга ярый. Ә палаткалы лагерьлар быел, гомумән, ачылмаячак. Әле шунысы да бар: балаларга дискотекалар, учак янында җыелулар һәм башка шундый гомуми чараларсыз гына ял итәргә туры киләчәк.