Дипломлы бала караучы

Россиядә дипломлы бала караучылар барлыкка килде. Дәүләт бу һөнәргә өйрәтү өчен махсус курслар оештыра башлады. Сертификацияле бала караучылар кайбер төбәкләрдә эшкә керешкән инде. Бу хезмәтнең бер сәгате якынча 170 сум тора. Кичке вакытта яки ял көннәрендә бала караучы өчен күбрәк түләргә туры киләчәк. Бүген 3 яшькә кадәр булган балаларның күбесе яслеләргә чират көткәнлектән, белемле, ышанычлы бала караучыларга ихтыяҗ зур.