Күп балалы гаиләләргә – ташлама

Җәй ахырына кадәр күп балалы гаиләләр поездга билетны 20 процентлы ташлама белән алачак. Моның өчен гаиләдәге иң кечкенә балага 18 яшь тулмаган булуы һәм кассирга кирәкле документларны күрсәтү генә шарт. Алар әллә ни күп түгел: гаилә әгъзаларының шәхесен раслаучы документлар һәм никахны теркәү турында таныклык. Россия Тимер юллары тәкъдим иткән әлеге “Зур гаилә” тарифыннан купе вагоннарына билет алганда файдаланырга мөмкин. Шунысы да мөһим: ташламага ия булу өчен бөтен гаиләнең каядыр җыенуы шарт түгел. Билетны очсызрак бәягә күп балалы гаиләнең бер генә әгъзасы да алырга хокуклы. Бүген Татарстанда андый гаиләләр 39 меңнән артык.

"Россия тимер юллары" оешмасыннан тагын бер шәп яңалык: 10 яшьтән 17 яшькә кадәрге укучылар поездда ел әйләнәсендә 50 процентлы ташлама белән сәяхәт итә алачак!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: