Әләмгә әрәм түгел

Киләсе уку елында Россия мәктәпләрендә яңа гадәт барлыкка килергә мөмкин. Түрәләр уку йортларында һәр иртә саен ил әләмен күтәрергә тәкъдим итә. Аларны җитештерү һәм урнаштыру өчен бюджеттан бер миллиард сум акча бүлеп бирергә җыеналар.

Әләм күтәрү тәкъдимен Россия Президенты Владимир Путинга “Артек” балалар лагере тәрбиячесе Вячеслав Антипов җиткергән булган. Путин әлеге фикерне хуплаган. Илбашы сүзләренә караганда, мондый традиция чит илләрдә күптән бар, бездә дә аның дәүләт стандартын булдырырга кирәк.