Мәктәптә эшкуарлыкка өйрәтмәкчеләр

Тиздән мәктәпләрдә эшкуарлык дәресләре керә башларга мөмкин. Россия президенты Владимир Путин илнең Мәгариф министрлыгына шундый белем бирү программасын булдырырга кушкан. Ул беренче сентябрьгә кадәр әзер дә булырга тиеш икән инде.

Балаларга эшкуарлыкны өйрәтү фикерен “Школа дела” проектын оештыручыларның берсе Олег Голиков җиткергән иде. Аның сүзләренә караганда, мондый дәресләр балаларга бик күп мөмкинлекләр ачачак, алдынгы фикерләрен тормышка ашырырга ярдәм итәчәк.