«На крыльях таланта» жиңүчесенә - 100 мең сум!

Бу кадәр акчага ия буласың килсә, талантың ташып торсын. 23-26 мартта Казанда «На крыльях таланта» халыкара конкурс-фестивале уздырылачак. Аның абсолют җиңүчесенә 100 мең сум акча каралган.

Әлеге конкурс инде 9нчы ел уздырыла. Ел саен төрле шәһәрләрдә оештырыла торган чара быел Казанда үткәрелә. Анда коллективлар, концерт оешмалары, театрлар, радио, телевидение белән хезмәттәшлек иткән, кинода төшкән аерым башкаручылар да катнаша ала. Шулай ук биредә музыкаль һәм театраль вуз студентлары, мәдәният һәм сәнгать юнәлеше буенча ссуз, вузларда укучылар да катнашу хокукына ия.

Бәйгедә берничә номинация бар:

– вокал

– хор

– инструменталь музыка

– хореография

– мода театры

– оригиналь һәм театраль җанр

– нәфис сүз

Гаризаларны кабул итү 16 мартта тәмамлана. Фестивальнең гала-концертында лауреат һәм гран-при ияләрен әзерләгән җитәкчеләрне дә бүләкләячәкләр.