Осиново гимназиясендә очрашу

“Сабантуй” журналы баш мөхәррире Зилә Фәйзуллина, Халыкара Туган тел көне уңаеннан, Яшел Үзән районының С.К.Гыйматдинов исемендәге Осиново гимназиясендә узган “Матбугат һәм без” дип исемләнгән чарада катнашты.
“Безнең гимназия озак еллар “Сабантуй” журналы белән тыгыз элемтәдә. Укучыларыбыз журналны бик яратып укый, үзләренең дә иҗатлары әлеге басмада даими басылып тора. Укучыларыбызны журналны нәшер итүчеләр белән якыннан таныштырасыбыз килде”, – ди гимназия директоры Гөлинә Саттарова.
Чыннан да, Осиново гимназиясендә безнең тугры укучыларыбыз белем ала. 100 гә якын укучы «Сабантуй»га альтернатив ысул белән язылды.
Зилә Фәйзуллина укучыларны журналның яңа сәхифәләре белән таныштырды, мультимедиа басманың мөмкинлекләре турында тәфсилләп сөйләде, сораулар биреп, укучыларны бүләкләр белән шатландырды. Гимназия укучылары да баш мөхәрриргә үзләрен кызыксындырган сорауларны бирделәр. “Яңа сәхифәләр ничек барлыкка килә?”, “Әкияләрне ничек уйлап табасыз?” дип сораштылар. Җырлап-биеп, шигырь сөйләп, гимназиядәге “Сәләт”кә йөрүче балалар үз талантларын да күрсәттеләр.
Иң мөһим һәм кызыклы язмаларны Татмедиа Telegram-каналында укыгыз
-
Коры җир ташбакасы Коры җир ташбакасы яңа урынга тиз җайлаша. Ул яшәгән өйдә 20-30 ºС җылы булырга тиеш.
-
«Балачак бәйрәме»нә чакырабыз 1 июнь – Халыкара балаларны яклау көнендә «Туган авылым» комплексында «Балачак бәйрәме» чарасы үтәчәк!
-
Түбән Камада «Дуслык күпере» 19 май – Татарстанда матбугат көне уңаеннан, Түбән Каманың 38 нче балалар китапханәсе «Дуслык күпере» дип исемләнгән бәйрәм оештырды. «Сабантуй» һәм «Салават күпере» балалар журналларыннан редакция хезмәткәрләре дә әлеге чарага чакырылган иде. Очрашу «Апуш» үзәк балалар китапханәсендә үткәрелде.