Раяз Фасыйховка машинасын төзәтергә ат ярдәмгә килә![видео]

– Җыр шаян рухта булгач, клипны да үзенчәлекле итеп төшерәсе килде. Шәхсән үзем бу җырны башкарганда, күз алдыма әкият дөньясы килеп баса. Егетләр белән уйлаштык та, анимацион клип ясарга булдык. Аны туганым Алмаз Сәмигуллин эшли торган "Hava" һәм "Film Fay" анимация студиясе төшерде. Клипта катнашучы кыз – Алла исемле, ул махсус кастинг аша сайлап алынды. Аның белән эшләве уңайлы булды, ошады. Клип карап торышка җиңел тоелса да, анимацияле клипларны төшерү авыр да, чыгымлы да. Иң кыены – чынбарлык белән мультфильмны тоташтыру. Клип төшерүдә иганәчеләр ярдәм күрсәтте, Аллага шөкер. Алар "Алма кебек кызарма" җырын ишеткәч тә, җырга клип төшерергә тәкъдим иткән иде, – дип сөйләде Intertat.ru хәбәрчесенә Раяз Фасыйхов.