Савваның савабы үзенә кайткан

Хәтерләсәгез, күптән түгел Чиләбедә яшәүче 11 яшьлек Савва исемле малайның, макулатура тапшырып, җыелган акчага балалар йортларына футбол туплары бүләк итүе турында хәбәр иткән идек. Шушы көннәрдә Интернетта тагын бер шәп яңалык пәйда булды: Савваны Артем Дзюба Россия җыелма командасы уенына чакырган. Савваның игелекле гамәле турында ишеткән футболчы бу малайга бүләк ясарга карар кылган. Дзюба Савваны 3 сентябрьдә узачак Сербия җыелма командасы белән очрашуга чакырып кына калмаган, футболка да вәгъдә иткән.