Ә сез котладыгызмы?

Россиядә яшәүчеләрнең һәр өченчесе укытучыларын бәйрәм белән котлаган. «Одноклассники» һәм ResearchMe тикшерү үзәге уздырган сораштыру шуны күрсәтә. Күпләр укытучыларын социаль челтәрләр аша тәбрикли. Күрешеп котлаучылар да шактый. Мәктәп тәмамлаучыларның яртысы мөгаллимнәр белән аралашып тора икән. Иң яраткан укытучылар арасында рус теле һәм әдәбияты, математика, тарих, башлангыч сыйныфлар һәм физкультура укытучылары күп. Ә менә химия, физика, чит тел укытучыларын күпләр өнәп бетерми. Яратмаган укытучыларның исем-фамилиясен хәтерләүчеләр дә кимрәк. Ә менә сыйныф җитәкчесе һәм беренче мөгаллимнең кем булуын сораштыруда катнашучыларның 60 проценттан артыгы хәтерли. Респондентларның 24 проценты укытучыларының тормышын социаль челтәрләрдә күзәтеп бара.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: