ИҖАТ

Әниләр турында мәкальләр һәм әйтемнәр

Тиздән иң газиз, кадерле кешеләребез бәйрәме - Әниләр көне.

Әниләр турында мәкальләр һәм әйтемнәр

Ана җылысы — кояш җылысы.
Яктылык — кояш янында, яхшылык — әни янында.
Ана йөрәге — бала өчен дәрья.
Ана балага авызыннан өзеп каптыра.
Ана күңеле — балада, бала күңеле — далада.
Ана ачуы — язгы кар: күп булса да тиз эри.
Анаң өчен уч төбендә тәбә куырсаң да, бурычыңны кайтара алмассың.
Ана — шәфкать диңгезе.
Ана яхшылыгын авырсаң белерсең.
Анасыз корт бал җыймас, бал җыйса да мул җыймас.
Суга ага башлагач, бабай да: «Әнием!» дип кычкырган.
Әни суккан авыртмый.
Өйнең яме ана белән.
Үз анасын зурлаган, кеше анасын хурламас.

Следите за самым важным и интересным в Telegram-каналеТатмедиа

Нет комментариев