Нинди торт яратасыз?

20 июль - Халыкара торт көне

Психологлар фикеренчә, кешенең нинди тәм-том яратуына карап, аның холкы турында әйтергә була.  Мисал өчен, тортны гына алыйк.

Бисквитлы-кремлы торт яратучылар аралашучан, шат күңелле кешеләр. Андыйлар өчен тормыш ‒ уен. Алар килеп чыккан җитди проблемаларны күрми һәм күрергә дә теләми. Сез дә мондый торт фанаты икән, димәк, үз өстегезгә җаваплылык алырга яратмыйсыз.

Безе тортлары яратучылар - бөтен нәрсәне төпле, салкын акыл белән хәл итүчеләр, үзләрен контрольдә тотарга тырышучылар. Нәтиҗәсе уңай булачагына тулысынча ышанмыйча, алар бернинди эшкә дә тотынмыйлар.

Уалучан торт яратучылар - бик ачык күңелле кешеләр. Тәртип,  тынычлык һәм бөтен нәрсәдә дә ачыклык яраталар. Аларның бөтен уйлары, кылган гамәлләре билгеле бер "кысаларга" сыярга тиеш.

Шоколадлы торт яратучылар ‒ энергияле, сәләтле, көчле кешеләр. Тормышта һәр нәрсәгә өлгер, җитез. Барын да татып карыйсылары килә. Тик тирә-юньдәгеләр еш кына андый кешеләрне аңлап бетерми. Әмма моңа һич борчылырга урын юк. Һәрвакыт үзегез булып калырга тырышыгыз.

Җиләк-җимешле тортларны йомшак күңелле, хискә бирелүчән кешеләр ярата. Кешеләргә ярдәм кулы сузарга һәрчак әзер, аралашучан булсалар да, еш кына андый кешеләр ярдәмен якыннары "шулай тиеш" дип кабул итә.