Бөрбаштан сәлам

Балтач районы Бөрбаш урта мәктәбенең 5 нче сыйныф укучыларыннан гаҗәеп җылы хат алдык. Әлеге мәктәптә апрель ае экология айлыгы дип игълан ителгән. Укучылар рәсемнәр ясаган, гөлләр утырткан, сыерчык оялары ясап элгән, китаплар укыган. «Сабантуй» – иң яраткан журналыбыз, диләр. Укучыларыбызның иҗади эшләрен сезгә дә тәкъдим итәбез.
Табигать гүзәллеге
Табигатьнең һәр фасылы
Үзенчә матур, серле.
Гүзәл дә ул, сихри дә,
Гаҗәеп, төрле-төрле.
Кышын көмеш карлар ява,
Җәен кояш кыздыра.
Көзге урман – сары офык
Күзләрне чагылдыра.
Язны ямьләп җылы яктан
Тезелеп кошлар кайта.
Ләйсән яңгыр җир өстенә
Шатлык һәм моң тарата.
Мул уңышлы көзләрендә
Басулар сыен бирә.
Агач-куак җимешләрдән
Сыгылып башын ия.
Динә Галиуллина
Табигать – туган йортым
Һәр көн иртән сызылып кояш чыга,
Сандугачлар моңлы җыр суза.
Эшчән бал кортлары, безелдәшеп,
Урман өсләреннән юл уза.
Күбәләкләр җитәкләшеп оча,
Аллы-гөлле матур болында.
Әни үрдәк, бәбкәләрен тезеп,
Юл аладыр инеш буена.
Бака-бакылдык та оеп утыра,
Камыш төбен сөеп, сыенып.
Су өстендә уйный кояш нуры,
Матур көнгә гүя сөенеп.
Диләрә Галиуллина
Азалия Зарипова рәсеме
Иң мөһим һәм кызыклы язмаларны Татмедиа Telegram-каналында укыгыз
-
Телләр белгән – илләр гизгән «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.
-
Азнакайдан шигъри сәлам Исәнмесез, “Сабантуй” журналы хезмәткәрләре! Сезгә Азнакай шәһәре 9 нчы урта мәктәбенең “Яшь каләмчеләр” түгәрәгенә йөрүче укучылар иҗат иткән шигырьләрне тәкъдим итәбез. Шигырьләребез сезгә дә, журнал укучыларга да ошаса, бик шат булыр идек.
-
Мөгаллимнәр белән күрештек Яшел Үзән шәһәренең 5 нче гимназиясендә милли мәсьәләләр буенча директор урынбасарлары, татар теле һәм әдәбияты укытучылары, методик берләшмә җитәкчеләре катнашында узган методик семинарда «Салават күпере» һәм «Сабантуй» журналлары баш мөхәррире Зилә Фәйзуллина катнашты.