Ирәнге ашың файдалы булсын дисәң....

Иртә белән организмны уятып җибү өчен бер яки ярты стакан су эч. Ә аннары 10-20 минут эчендә үзеңне кара, битеңне ю, тешләреңне чистарт. Ул арада сиңа әниең аксымнарга бай булган тәмле иртәнге аш әзерләп куячак. Аксымнарга бай булган эремчек, ит, сөт, кефирдан беркайчан да баш тартма. Витаминнарга бай булган карабодай, дөге, тары боткаларын да авыз ит. Манный боткасын яратучылар булса, кәефегезне төшерәм. Аны бүгенге көн табиблары ашарга киңәш итми. Чөнки файдалы ягына карый зыяны күбрәк, крахмалга бик бай, организм өчен кирәкле булган витаминнар юк дәрәҗәсендә икән. 
Ботка белән сыйланып утырганда кемдер яшелчә дә сорарга мөмкин. Яшелчәләрне яратучылар игътибарына – брюссель кәбестәсе,  брокколи, кыллы фасольне рәхәтләнеп ашый аласыз. Бәрәңге һәм чөгендерне иртә белән авыз итмәгез, алар авыр эшкәртелә торган яшелчәләр, шуңа күрә төшке ашка калдырыгыз. 
  
Иртәнге ашта тиз әзерләнә торган ризыклар – йомырка тәбәсе, сөт салынган хлопьялар, шулай ук, иртә белән ашарга киңәш ителми. Әлбәттә алар бик тәмле һәм җиңел әзерләнә, ләкин организм өчен бернинди файдасы да юк. Бүгенге көндә әлеге тиз әзерләнә торган ризыкларны витаминнар белән баетып саталар. Ләкин, табигый юл белән барлыкка килгән витамин һәм ясалма витамин арасында аерма зур.   
 
Шулай итеп, иртәгезне тәмле һәм файдалы итеп каршы алырга тырышыгыз.  Без киңәш иткән ризыклар баш мие эшчәнлеге, эмоциональ якны көйләү, сөяк үсеше, кан һәм йөрәк системасы өчен бик кирәкле. Ә яшелчәләрне кайчан ашарга ярый икәнлеген беләсезме? Гадәттә, аны төшке ашка кадәр диләр? Бу сүз дөресме? Тиздән белерсез, Табын сәхифәсен укып барыгыз.