Баланың укыйсы килми. Нишләргә?

Сентябрь – бик авыр ай. Бигрәк тә сабые беренче тапкыр мәктәпкә киткән әти-әниләр өчен. Сөенә-шатлана беренче сыйныфка укырга киткән бала берничә көннән соң: “Мин бүтән мәктәпкә бармыйм!” – дип кайтса, нишләргә?
Иң мөһиме – моңа әзер булырга. Психологлар шундый киңәш бирә. Уку елының беренче өч ае – ияләшү вакыты. Бөтен бала да бертөрле түгел. Кемгәдер уку, мәктәп, сыйныфташлары беренче көннән үк ошаса, икенче берәүләр өчен вакыт кирәк.
Бала «кызу» икән, мөгаен, аңа дәрестә утыру, укытучы кушканны үтәү авыр булыр. Шуңа да андый баланың энергиясен дәрестән соң “чыгарып бетерергә” кирәк. Саф һавада йөрү, спорт түгәрәкләре – мондый укучы өчен менә дигән ярдәм.
Ә инде тыныч балага, киресенчә, мөгаллимнең кычкырып аңлатуы да ошап җитмәскә, ул тавыштан, сыйныфташларыннан арырга мөмкин. Балагыз мәктәптән: “Бүтән анда барасым килми”, – дип кайтса, моның сәбәбен ачыкларга тырышыгыз. Бала белән күбрәк сөйләшү бик күп проблемаларны җиңел хәл итәргә булышыр.
Беренче сыйныф укучыларының әти-әниләре өчен кагыйдәләр
Иң мөһим һәм кызыклы язмаларны Татмедиа Telegram-каналында укыгыз
-
Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
-
Әнкәм теле – туган телем «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.
-
Күзгә яшьләр килде... Зур шатлыгым бар! Без, "Мирас" үрнәк балалар бию ансамбле, Санкт-Петербургта узган «Азимут» халыкара бәйгесендә җиңү яуладык!