Лимон үстерергә теләүчеләргә 5 киңәш
Күпләр өендә төрле җиләк-җимеш орлыкларын утыртып карый. Уңышлы гына үсеп киткәннәре җимешләре белән дә шатландыра. Үзе матур, үзе нык лимон агачы үстерү буенча киңәшләр тәкъдим итәбез: Лимон ашалып...
- Лимон ашалып беткәч, зур, ярыклары булмаган орлыкларны алып куегыз. Сай савытларга балчык салып, орлыкларны 2 см тирәнлеккә урнаштырыгыз. Берьюлы уннан да күбрәк орлык утырту кирәк, чөнки кайберләре генә тишелә.
- Үсентеләр күтәрелеп ныгыганчы, 5 ай буе җирне дымландырып торырга кирәк. Аннары, тамырларына зыян китермичә генә, аларны зуррак чүлмәкләргә күчерергә була. Балчыкка бераз черемә өстиләр.
- Агач ябалдашын гел өзгәләп тору зарур. Яшь ботакларны шулай ук өзеп торасы. Болай иткәндә, агач күпереп, матур булып үсәчәк. Чүлмәкне якты урынга куярга һәм ара-тирә төрле яклары белән кояшка борып торырга кирәк.
- Агачның балчыкка тиеп торган урынын бакыр чыбык белән урарга мөмкин. Ярты елдан соң аны алалар. Бу – җимеш бөреләнсен өчен яхшы.
- Әгәр агачның өй шартларында да күп итеп лимон бирүен теләсәгез, аның ботагына прививка ясатырга кирәк. Ул берничә елдан әйбәт уңыш җыярга мөмкинлек бирәчәк.
Следите за самым важным и интересным в Telegram-каналеТатмедиа
-
Зур Сәрдек гимназиясе Җиңү көненә әзер!
Укучыларның Бөек Ватан сугышы турыдагы белемнәрен тирәнәйтү, гражданлык һәм патриотик хисләр, туган җиренә, халкына карата горурлык хисе, ветераннарга, тыл хезмәтчәннәренә, сугыш чоры балаларына хөрмәт хисе тәрбияләү йөзеннән Яңа Сәрдек башлангыч мәктәбендә төрле чаралар уздырылды: “Хәтер” китабы белән танышу, 1995 елда исән булган авылдагы сугыш ветераннары турында уку һәм аларның туганнарын ачыклау, Бөек Ватан сугышының хәлиткеч вакыйгаларын өйрәнү һәм аларны хронологик тәртиптә тезү, рәсемнәр һәм аппликацияләр аша сугышка һәм тынычлыкка карата мөнәсәбәтне белдерү, Туган илне яклау һәм саклау турында җырлар өйрәнү.
-
«Сабантуй» журналы әдәби мөхәррире Рамилә Уваева: » Олы абый гомер буе кешелекле, сабыр, гадел булды. Чын Укытучы иде.»
Әбиемнең бертуган абыйсы Хикмәтуллин Хаҗи Хикмәтулла улы 1920 нче елның 18 нче августында хәзерге Әгерҗе районы Девятерня авылында туа. Җидееллык мәктәпне тәмамлагач, 1936 нчы елда Минзәлә педучилищесына укырга керә. Өч елдан соң, диплом алып, туган авылына башлангыч сыйныфлар укытучысы булып кайта. 1940 нчы елда Кызыл Армия сафларына алына. Офицерлар курсын тәмамлаганнан соң, разведвзвод бүлеге командиры була. Олы абыем (без аны яратып шулай дип йөртә идек) сугышның беренче минутларыннан ук фашистларга каршы көрәшә. Аларның полкы илнең чигендә була.
-
«Май килә»
Роберт Миңнуллин
Нет комментариев