Илдар Гыйльметдинов Олы Кайбыч мәктәбенә бүләк ясады.
Россия Дәүләт Думасы депутаты Илдар Гыйльметдинов мәктәпкә татар теле һәм әдәбияты буенча "Халкым мирасы" коллекциясен, кече яшьтәге мәктәп балалары өчен "Әбием әкиятләре" дип аталган курчак театры җыелмасын, татар халкының күренекле шәхесләренең портретларын, "Татар теле - күңелем теле" дип аталган аудиокурс, физика һәм химия кабинетлары өчен приборлар бүләк итте. Болар барысы да укытучыларга белем бирүне нәтиҗәлерәк итәргә, ә укучыларга фәннәрне тагын да яхшырак үзләштерергә ярдәм итәчәк.
