17 сыйныф карантинга ябылган

Татарстан Мәгариф һәм фән министрлыгының рәсми сайтыннан алынган мәгълүматларга караганда, республикадагы 10 мәктәптә 17 сыйныф карантинга ябылган. Укучылар салкын тиюдән булган авырулар сәбәпле мәктәпкә йөрми. Казанның 7 мәктәбендә 12 сыйныф карантинда. Менделеев районындагы ике мәктәптә дүрт сыйныф, Әгерҗе районында бер сыйныф әлегә укудан туктап тора. Хәзерге вакытта барлыгы 371 бала карантинда, дип хәбәр итә министрлык.