2034 нче елда гына кабатланачак табигать күренешен күзәтә алдыгызмы?

14 ноябрьдә, Айны Җир шарына мөмкин булган иң якын ноктада күрергә мөмкин иде.Суперлуние дип аталган әлеге күренешне соңгы тапкыр 70 ел элек күзәтеп булган. Тулган ай вакытында аерым бер кешеләргә лунатизм күренеше хас,  бу чорда үз-үзенә кул салучылар күбәя, дип санала. Суперлуние исә тагын да җитдирәк тайпылышларга китермәсме?
Суперлуние – ул,  Википедия биргән аңлатма буенча,  Тулган ай яки Яңа туган айның перигей белән, ягъни Ай һәм Җир иң якынайган вакытына туры килүе. Бу сирәк күренеш түгел үзе. Елына бер тапкыр мондый хәлне һәрберебез күзәтә ала. Әйтик, 2014 елның 9 сентябрендә тулган ай Җиргә якын булган, шулай ук быелның 16 октябрендә генә дә бу күренеш кабатланган. Ә узган елның 28 сентябрендәге суперлуние исә Җир шәүләсе айны тулысынча каплаган вакытка туры килгән.
[embed]https://www.instagram.com/p/BMyJPmih4qP/?taken-by=r_komi[/embed]
[embed]https://www.instagram.com/p/BMwLrshB4px/?taken-by=go_barnaul[/embed]