31 декабрьдә ял итәчәкбез, ләкин...

Быелның 31 декабре республикада ял көне дип игълан ителде. Татарстан Президенты Рөстәм Миңнеханов шул хактагы боерыкны имзалады. Аның нигезендә, 26 декабрь шимбә көн эш көне булачак. Дәүләт хезмәткәрләре һәм башкарма хакимияттә эшләүчеләр 31е ял итәр өчен 26сы эшләргә тиеш. Башкарма хакимияткә кермәгән оешмаларга да эшне шул рәвешле оештырырга киңәш ителә.