77 миллион “бишле”

Бу уку елында Татарстан укучылары әнә шул кадәр “бик яхшы” билгесе алган. “Электрон журнал һәм көндәлек” республика модулендә 2019 елның 1 сентябреннән 2020 елның 1 июненә кадәр барлыгы 182 миллион 431 мең 152 билге куелган. Шуларның 77 миллион 574 мең 350се – “бишле”, 65 миллион 223 мең 983е – “дүртле”, 33 миллион 354 мең 911е – “өчле”. “Икеле”не исә укытучылар 6 миллион 277 мең 908 мәртәбә куйган.
Иң күп “бишле”ләр – Алабуганың 10нче мәктәбендә. Ә менә Аксубай, Актаныш, Балтач, Биектау һәм Мамадыш районнарының берничә мәктәбендә йә укытучылар бик мәрхәмәтле, йә укучылар бик белемле – бу мәктәпләрдә бер генә “икеле” дә юк.
Иң мөһим һәм кызыклы язмаларны Татмедиа Telegram-каналында укыгыз
-
Мөгаллимнәр белән күрештек Яшел Үзән шәһәренең 5 нче гимназиясендә милли мәсьәләләр буенча директор урынбасарлары, татар теле һәм әдәбияты укытучылары, методик берләшмә җитәкчеләре катнашында узган методик семинарда «Салават күпере» һәм «Сабантуй» журналлары баш мөхәррире Зилә Фәйзуллина катнашты.
-
Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
-
Туган телем кадере «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.