Айгөл Хәйруллина: "Булат белән бик горурланам мин!"

- Булатны без  “Күчтәнәч”  тапшыруы, аннан “Яшь ТНВ»  проекты аша телевизордан күреп беләбез. Бүген  “Дәү әнинең оныгы”на ничә яшь булды инде?
- Унҗиде тула. Быел унберенче сыйныфны тәмамлый. Өч яше тулганчы, “Су анасы” әкиятен сөйләп, “Күчтәнәч” тапшыруына чыкты.

- Артист, алып баручы булырга исәбе юкмы?
- Юк. Соңгы тапкыр “Татар моңы”нда алып баручы булды да, шуннан төгәл фәннәр белән кызыксына башлады. Физика, география, экология - бүген ул шул өлкәләрдә йөзә. Булат белән горурланам мин. Әлбәттә, проблемаларсыз да булмый, тик менә үземнең әти-әни биргән тәрбия аның өчен бик мөһим булды дип уйлыйм. Мин эштә чакта ул гел аларда булды. Балага дәү әнисе, дәү әтисе тәрбиясе бик мөһим.
 
Чыганак: "Шәһри Казан" газетасы