Балалар төшергән клипның темасы - чәк-чәк! /видео/

Берничә көн элек Рөстәм Миңнехановның Alabuga International School (AIS) халыкара мәктәп укучыларына кунакка баруы турында язган идек. Анда чит илдән килеп эшләүчеләрнең балалары белән бергә, Алабугада яшәүчеләрнең дә балалары укый.

Бүген биредә 3–9 яшьлек балалар белем ала икән. Аларны алты яшь категориясенә бүлеп укыталар. Белем бирү – бары тик инглиз телендә генә. Укучылар чәк-чәк турында да инглиз телендә җыр чыгарганнар һәм клип эшләгәннәр. Димәк, чит илләрдә дә татар милли ризыгын беләчәкләр!