Балаларга 10ар мең сум бирәчәкләр

Бу турыда кичә үз чыгышында Владимир Путин хәбәр итте. 10 мең сум 3 яшьтән алып 15 яшькә кадәрге балаларга биреләчәк. Ягъни 2020 елның 1 июленә балага өч яшь тулган һәм 16 яшь тулмаган була икән, ул бер тапкыр 10 мең сум акча алырга хокуклы. Әлеге түләүгә гаризаны Дәүләт хезмәтләре порталы яки Россия Пенсия фонды сайты аша 12 майдан башлап тапшырырга була. Түләү исә 1 июньнән башланачак. Гаризаларны 2020 елның 1 октябренә кадәр кабул итәчәкләр.