Безне елмаерга нәрсә мәҗбүр итә?

Без кайчан елмаябыз? Гадәттә, кеше кәефе яхшы вакытта елмая.
Салкын, яңгырлы көзге көннәрдә кәефне ничек күтәрергә?
Кәефне яхшыртучы продуктлар белән танышыйк.
Эремчек организмдагы матдәләр алмашына яхшы тәэсир итә. Аны еш куллану органзмга көч, дәрт бирә.

Ясмык (чечевица) составында булган триптофан аминокислотасы эмоциональ халәтне яхшырта икән.

Миндаль чикләвеге дә кәефне яхшырта. Ул акыл эшчәнлеге, кәеф өчен файдалы В2, Е витаминнарына, магний, цинкка бай.

Әче, куе-көрән төстәге шоколад та кәефне яхшырта, дип әйтә белгечләр. Әмма мондый шоколадны көнгә 30 граммнан артык кулланырга киңәш ителми.

Дөрес  туклану, сәламәт яшәү рәвеше алып бару, яраткан шөгыльләр  булу да -  кәефне күтәрә.
 
 
 
Фотолар azilka.ru, new24today.info, phytomed.org, allsumke.ru сайтларыннан