Бишенчегә – автомобиль!

Бишенче бала туган гаиләләргә автомобиль бирергә кирәк. Дәүләт Думасы депутаты Иван Сухарев Россиянең Хезмәт һәм социаль яклау министры Антон Котяковка шундый тәкъдим белән хат язган. Депутат фикеренчә, автомобиль Россиядә җитештерелгән, кимендә җиде урынлы булырга тиеш. Әле шунысы да бар: Сухарев өлкән балаларга 18 яшь тулу-тулмауга игътибар итмәскә куша. Бишенче бала тугач автомобиль бирелсә, бу күп балалы гаиләләргә зур ярдәм булыр иде, ди депутат.