Бәйгедә җиңеп, Татарстан Республикасы дәүләт архивына экскурсия от

 «Татармультфильм» берләшмәсенең матбугат хезмәте мәгълүматына караганда, кичә Татарстанда «Укучының мәдәни көндәлеге» мәдәният-мәгариф проекты игълан иткән «Минем шәҗәрәм» генеалогия проектлары бәйгесе старт алды. Әлеге бәйге Татарстан Республикасы Дәүләт архивы белән «Татармультфильм» берләшмәсенең уртак идеясе.

Әзер проектлары һәм иҗади эшләрен укучылар 2017 елның 8 гыйнварына кадәр җибәрә ала. Эшләрне архив хезмәткәрләре һәм Татар Балалар нәшрияте редакторлары кергән бәйсез жюри бәяличәк. Конкурс эшләренең төп критерийлары – шәҗәрәнең дөреслеккә туры килүе һәм гамәли материалларның теркәлгән булуы. Тикшеренү эшләренә өстәп рефератлар, альбомнар, елъязмалар, презентацияләр һәм видеофильмнар да кертергә ярый.