Чит телләр буенча мәҗбүри имтихан булмаячак

Россия Мәгариф министрлыгы каршындагы Белем бирү стандартлары буенча федераль дәүләт советы чит телне мәҗбүри имтихан бирелә торган фәннәр исемлегеннән алып атты. Моңа кадәр килеп ирешкән мәгълүматлар буенча, укучылар 2022 елдан башлап чит телләр буенча БДИ тапшырырга тиеш иде. Мәгариф министры урынбасары Виктор Басюк сүзләренә караганда, әлеге мәсьәлә буенча оештырылган фикер алышулар нәтиҗәсендә, шундый карар кабул ителгән.