Чыршы бәйрәменә 8 меңнән артык бала чакырылган

25 декабрьдә Казандагы “Татнефть Арена” боз сараенда республикакүләм Чыршы бәйрәме уза. Бәйрәмдә Татарстанның төрле районнарыннан 8 меңнән артык бала катнашачак. Алар – укуда, спортта, иҗатта зур уңышларга ирешкән балалар. Әлеге чарага авыр хәлдә калганнар, ятимнәр һәм мөмкинлекләре чикләнгән балалар да чакырулы. Бәйрәмдә «Dabro» төркеме чыгыш ясаячак, балаларга әкият күрсәтәчәкләр һәм тәмле күчтәнәчләр тапшырачаклар. Чыршы бәйрәме өч сменада үтәчәк. Оештыручылар барлык иминлек кагыйдәләрен сакларга сүз бирә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: