Фирдүс Тямаев югары сыйныфта укыганда Кыш бабай булып йөри

Фирдүс ТЯМАЕВ: "Күңелле вакытлар... Гомумән, балачагыбыз бәхетле узды безнең.  Яңа елга урманнан чыршы алып төшә идек. Аны төрле кәнфит кәгазьләре, төсле кәгазьдән кисеп ясалган чылбырлар белән бизи идек. Кыш бабайга бер 6-7 яшькә кадәр ышанганмындыр әле мин. Югары сыйныфларда укыганда үземә дә Кар бабай булырга туры килде. Аннан колхоз әти-әниләргә бүләкләр бирә иде. Аны бик көтеп ала идек. Мандаринны да хәзерге кебек ел әйләнәсендә түгел, бер тапкыр - Яңа елда гына ашый идек. Кышкы каникулда чана, тимераякта шуып мәш килдек. Әти тимердән ясап биргән чанам бар иде. Ә тимераяк бик "текә" малайларда гына була торган иде."

 
Нәзилә ХУҖИНА