Илназ Гарипов кирәк булмаса да әбиләрдән чәчәк сатып ала

– Илназ, урамда очраган олы яшьтәге әби-бабайларга ярдәм итәсеңме?
– Бер-ике көн элек кенә чүплектә актарынучы бер татар әбиен күреп алдым. Бераз ярдәм итәсе килеп, акча сузган идем, алмады. “Улым, сез бит әле яшьләр, үзегезгә дә кирәк”, – дип каршы килде. Урамда чәчәк сатып торучы әбиләрдән чәчәк алырга тырышам. Ул кирәк булганга да алынмый инде. Ә әз генә ярдәм күрсәтәсе килүдән. Аларның бәяләре дә бик кыйммәт түгел. Урамнан узып барган берәр кызга бүләк итсәң дә, кәеф күтәрелә бит. Ә мин Казанда бергә яшәгән әбиемә алып кайтып бүләк иттем.
 
Нәзилә ХУҖИНА