"Интернетны өйрән – аның белән идарә ит" бәйгесе җиңүчеләренә нинди бүләкләр каралган?

«Ростелеком» укучылар арасында оештырылган “Интернетны өйрән – аның белән идарә ит!” («Изучи Интернет - управляй им!») онлайн уеннары буенча V Бөтенроссия чемпионаты бәйгесенә нәтиҗәләр ясады.
Нәтиҗәләр Татарстан өчен дә куанырлык: республикабыз укучылары “Интернетны өйрән – аның белән идарә ит!” V Бөтенроссия чемпионаты призерлары булды! Арча районы командасы җиңүчеләр рәтендә!
Билгеле булганча, бәйгедә барлыгы 15 меңләп укучы, 568 команда катнашкан.
Җиңүчеләр өчен бүләкләр дә саллы: лидерларга -  консоль Xbox 360 500 ГБ,  икенче урындагылар -  Microsoft Lumia 540 Dual SIM смартфоннары, өченче урындагылар - Black Fox BMP 104 портатив җиһазлары белән бүләкләнде.