Изгелек атнасы узды

Мәктәп яңалыклары

Башкалабыз Казан мәктәпләрендә «Игелек атнасы» үтте. Ш.Мәрҗани исемендәге 2 нче татар гимназиясендә дә хәйрия ярминкәсе узган.

Гимназия ишегалдында күңелле һәм яхшы атмосфера иде. 10 А сыйныф укучылары прилавкалар оештырды, аларга сату өчен товар куйдылар. Ярминкәдә кул эшләнмәләре, бизәнү әйберләре, уенчыклар, китаплар һәм канцтоварлар, бик тәмле десертлар һәм хәтта кием-салым тәкъдим ителде. Барлык эшләнмәләргә бәяләр түбән булса да, ярминкә нәтиҗәсендә рекордлы сумма акча җыелды. 42 850 сум акча имназиянең инвалид укучыларга һәм авыр тормыш хәлендә калган гаиләләргә ярдәмгә җибәреләчәк, дип хәбәр ителә гимназия сайтында.

Фотолар https://vk.com/public216567228 алынды.