Канатлы дусларыбызны көтәбез!
Әлмәт районының Тайсуган авылы мәктәбе укучылары җылы яклардан кайтучы кошларны каршыларга әзер.
Кошларның туган якка кайтуы яз җитүен хәбәр итә! Беренче булып кара каргалар, сыерчыклар кайта. Алар кайталар да чыркылдашырга тотыналар, сызгыралар, сайрыйлар, күңелле җырлар җырлыйлар, тырыша-тырыша оя ясыйлар, бала чыгаралар. Әлмәт районының Тайсуган төп гомуми белем бирү мәктәбе укучылары да кошларның кайтуын ел саен түземсезлек белән көтеп ала. Әти-әниләре, укытучылары белән кош оялары, җимлекләр ясыйлар. «Быел да без кошларны каршыларга әзер», ‒ дип хәбәр итә Тайсуган авылы мәктәбе укучылары.
Следите за самым важным и интересным в Telegram-каналеТатмедиа
-
Зур Сәрдек гимназиясе Җиңү көненә әзер!
Укучыларның Бөек Ватан сугышы турыдагы белемнәрен тирәнәйтү, гражданлык һәм патриотик хисләр, туган җиренә, халкына карата горурлык хисе, ветераннарга, тыл хезмәтчәннәренә, сугыш чоры балаларына хөрмәт хисе тәрбияләү йөзеннән Яңа Сәрдек башлангыч мәктәбендә төрле чаралар уздырылды: “Хәтер” китабы белән танышу, 1995 елда исән булган авылдагы сугыш ветераннары турында уку һәм аларның туганнарын ачыклау, Бөек Ватан сугышының хәлиткеч вакыйгаларын өйрәнү һәм аларны хронологик тәртиптә тезү, рәсемнәр һәм аппликацияләр аша сугышка һәм тынычлыкка карата мөнәсәбәтне белдерү, Туган илне яклау һәм саклау турында җырлар өйрәнү.
-
«Сабантуй» журналы әдәби мөхәррире Рамилә Уваева: » Олы абый гомер буе кешелекле, сабыр, гадел булды. Чын Укытучы иде.»
Әбиемнең бертуган абыйсы Хикмәтуллин Хаҗи Хикмәтулла улы 1920 нче елның 18 нче августында хәзерге Әгерҗе районы Девятерня авылында туа. Җидееллык мәктәпне тәмамлагач, 1936 нчы елда Минзәлә педучилищесына укырга керә. Өч елдан соң, диплом алып, туган авылына башлангыч сыйныфлар укытучысы булып кайта. 1940 нчы елда Кызыл Армия сафларына алына. Офицерлар курсын тәмамлаганнан соң, разведвзвод бүлеге командиры була. Олы абыем (без аны яратып шулай дип йөртә идек) сугышның беренче минутларыннан ук фашистларга каршы көрәшә. Аларның полкы илнең чигендә була.
-
«Май килә»
Роберт Миңнуллин
Нет комментариев