Казан зоопаркы Сабан туе уздырачак, бәйрәмдә "тараканнар йөгерешә" дә көтелә

Зоопарк кунакларын бу көнне татар эстрадасының танылган артистлары катнашында концерт программасы, төрле күңел ачу чаралары белән сөендерергә җыена. Балалар өчен осталык класслары, төрле бәйге-уеннар оештырыла. Уеннар димәктән, спорт программасына чиләк-көянтә белән һәм кашыкка йомырка салып, капчык киеп йөгерү, чүлмәк вату, аркан тартыш, капчык сугышы кебек Сабан туеның милли көч сынашулары кертелгән.
Моннан тыш "тараканнар йөгереше" дә көтә. Анысының асылын оештыручылар әлегә сер итеп саклый.