«ӘКИЯТ-BELEМ»гә рәхим итегез!

Татар Дәүләт «Әкият» курчак театрында «ӘКИЯТ-BELEМ» проекты эшен дәвам итә. 14 ноябрь көнне 16.00 сәгатьтә тамашачыларны «Татар балалар әдәбияты җәүһәрләре» дигән лекцияләр циклына чакыралар.

Нәкый Исәнбәт исемен ишетүгә, ул иҗат иткән, күпләрнең иң яратып укыган әсәрләренең берсе «Мырау Батыр» искә төшә. Хәзерге татар әдәбиятында беркем белән дә алыштырып булмый торган тарихи урынны биләгән әдипнең иҗат җимеше  һәрьяклап хөрмәткә лаек. Халык белгән әкият күп серияле фильм итеп тә төшерелде. Телемюзиклны балалар гына яратып карый дип әйтү дөрес булмас, чөнки аны, кече яшьтәгеләр белән беррәттән, әти-әниләре дә, өлкән буыннар да яратып күзәтә. Кечкенә генә күләмле, гади итеп язылган әсәр ни өчен бүгенге көндә дә популярлыгын югалтмады? Театрда шул хакта да фикер алышачаклар. Лекцияне КФУ доценты, галимә Миләүшә Хәбетдинова алып барачак. Очрашу кысаларында  балалар өчен әдәби викториналар һәм уеннар оештырыла. Чакырылган кунакларга театр музеена бушлай керү мөмкинлеге булачак.

 

Фото «Әкият» курчак театрының "ВКонтакте"дагы төркеменнән алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Мөгаллимнәр белән күрештек Яшел Үзән шәһәренең 5 нче гимназиясендә милли мәсьәләләр буенча директор урынбасарлары,  татар теле һәм әдәбияты укытучылары, методик берләшмә җитәкчеләре катнашында узган методик семинарда «Салават күпере» һәм «Сабантуй» журналлары баш мөхәррире Зилә Фәйзуллина катнашты.
    55
    0
    0
  • Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
    319
    0
    1