"Әкият" курчак театры үз спектаклен 250 бала алдында куярга әзерләнә

"Инвалидлар декадасы" уңаеннан, "Әкият" дәүләт курчак театры да бу акциягә кушылуын хәбәр итә. 

8 декабрьдә "Альпари", "Шәфкать”, "Вера", "Иман нуры", "Апрель", "Нарасый", "Доброе дело", "Өмет-Надежда", Сукырлар җәмгыяте кебек хәйрия фондлары һәм Казан шәһәренең Вахитов белән Идел буе районнары хакимиятләренең социаль яклау бүлеге чакырган 250 балага А.Волкованың "Волшебник Изумрудного города" спектакле күрсәтеләчәк. Спектакльнең баш режиссеры - Илдус Зиннуров.