“Пушкин белән сәяхәт”

Быелгы «Пушкин диктанты»ның темасы әнә шундый булачак. Әлеге халыкара акция, гадәттәгечә, 6 июнь, Рус теле һәм Пушкинның тууына 220 ел тулган көнне узачак. Ул инде алтынчы тапкыр оештырыла.  Башка еллардан аермалы буларак, быел акция өчен онлайн биремнәр әзерләнәчәк. “Биремнәр буенча тәкъдимнәр Россия төбәкләреннән дә, шулай ук чит илләрдәге рус телен укытучы мәктәпләрдән дә җыела. Диктантка керәчәк биремнәрне профессиональ жюри сайлый”, – дип хәбәр итә Татарстанның Мәгариф һәм фән министрлыгы.