Һәр бишенче бала – фәкыйрь

Ике ел элек Россиядә яшәүче балаларның 23 проценты кереме яшәү минимумыннан түбәнрәк булган гаиләләрдә тәрбияләнгән. Росстат мәгълүматлары шуны күрсәтә. Фәкыйрьлеккә багышланган тикшеренүне Росстат ел саен үткәрә, ләкин нәтиҗәләрен ике елдан соң гына игълан итә. Ягъни бүген фәкыйрь гаиләләрдә тәрбияләнүче балаларның күпме булуын без ике елдан соң гына беләчәкбез.

Ә менә 2018 елда фәкыйрь балалар күбесенчә күп балалы гаиләләрдә тәрбияләнгән (49,4 процент). Икенче урында – авыл балалары. Аларның якынча 40 процентын фәкыйрь дияргә була икән.