Рөстәм Миңнехановка - медаль!

Дмитрий Медведев Рөстәм Миңнехановны II дәрәҗә Столыпин медале белән бүләкләде.
Россия Премьер-министры Татарстан Президенты Рөстәм Миңнехановны II дәрәҗә Столыпин медале белән бүләкләү турындагы боерыкка кул куйган, дип яза “ТАСС” агентлыгы.
“Илнең социаль-икътисади үсеше өчен күрсәткән хезмәте һәм күпъеллык намуслы эше өчен Татарстан Республикасы Президенты Миңнеханов Рөстәм Нургали улын II дәрәҗә Столыпин медале белән бүләкләргә”, - диелә бу боерыкта.

Столыпин медален Россиянең үсешенә зур көч керткән, үз иленең һәм халкының тормышын сәламәтлек, мәдәният, төзелеш, авыл хуҗалыгы өлкәләрендә алга җибәргән дәүләт эшлеклеләренә бирәләр.